Un devezh e brezhoneg d’ar Sadorn 21 a viz Mae, e Roazhon

Gouzout hiroc’h war « Ar brezhoneg » 8 a viz Mae 2011
loupe


Saourus eo ar brezhoneg ! Deuit da dañva !

D’an 21 a viz Mae e vo aozet ur gouel bras tro dro d’ar brezhoneg gant Skeudenn Bro Roazhon, war plasenn Ti-Kêr Roazhon, eus 12e betek 6e abardaez. War ar roll : sonerezh ha c’hoariva, abadennoù tañva d’ar brezhoneg, dizoleiñ ar brezhoneg a-raok ar skoliata, lodennoù tresadennoù bev ha filmoù, kendivizoù diwar-benn ar c’heleier, dizoleiñ Mirdi Breizh, gouren hag ur rallye liesliv (enskrivadennoù ar buanañ ar gwellañ, s.o. follenn stag).
Da 4e30 e kinnigo bugale skol Diwan Roazhon disoc’h o labour sonerezh batucada, asambles gant bagad Roazhon. Ha ma teu naon deoc’h e c’helloc’h lipat o muzelloù gant galetez silzig ha krampouezh lipous fardet gant Kuzul-skoazell Diwan Bro Roazhon.

Word - 23 ke
Raliesliv